Ig bi dr Marcos, e temperamäntvoue Spanier vo Bärn wo sit 8 Jahr brättspilerisch ungerwägs isch. Scho us ching hani gärn gspiut, aber d Liideschaft isch danach chli abgflacht u isch speter wieder ufpoppt. U de wie! Mittlerwile chani mi chuum Brämse was dr Spiuchouf betrifft u muess mer zuegeschtah, dass des ganze chli Suchtzüg het agno. Aber hey - besser so aus mit Droge u Aukohol.. wobii: da wäre mer wieder bim Gin 😉
Ig bi meh dr gsellig denn dr kompetitiv Spiler. Mir isch d’Zämesetzig vor Gruppe wichtiger aus ds Spile, damit Gspiut isch. Ig ha sehr gärn Eurogames, ja, aber mini Sammlig würdi us eher breit beschriebe hinsichtlech Spiutype u –arte. Schliesslech söu für jedi Gruppe o z richtige Spiu derbi si. Wie ne DJ, wo die richtigi Musig im richtige Momänt söu spile. I gloube, genau mit dere Taktik hani es paar Nöilinge vo däm schöne Hobby chönne überzüge.
Faus du no nid so dr Brättspiler bisch: Versuechs o mau! Es tuet nämlech sehr guet, o mau uf nes Brätt z luege aus uf ne Biudschirm.
Ich bi der Ädu ä Bieler wo sich ds Bern ihgnisted het. Bi öbe sit 10 Jahr ä Brättspiu-Sammler und ha eigentlich fasch immer ds viu Spiu dehei als ig cha spiele und Platz ha. Probiere immer gern nöis us was leider oh heisst das ig meistens 5-10 Spiel dehei ha wo ig gern wot usprobiere aber no anderi Sache ds erst muess abschliesse oder die richtige Gruppe muess finde.
Mini Sammlig het eher fokus uf Story und ha oh gern chli experimenteli Sache. Ha sehr gern Spiu wo mi packe und nid los lö bis sie fertig si, vielicht oh grad öbis vorbereite für die nächsti Rundi. Bi mir wird ab und zue oh es englishs Spiu gspiut Weu d Sprach keis problem für mi isch und ig aubes nid cha warte öbs de oh uf dütsch mau usechunt. Ihr letzti bi ig aber chli geduldiger worde weu ig eigentlich me als gnue dehei ha.
Ig due sehr gern Spiu erkläre und mir isch wichtig das es d lüt lustig hei und das foht scho bim erkläre ah. Probiere oh immer wider neue Lüt d ds Spile glustig ds mache.